اريد اعلن حداد او للشعر مااعود .. قصيده..

اريد اعلن حداد وللعشك ماعود
واريد انساك ونسه البينك وبيني



وشك دفتر غرامك خاطر اني انساك
ودير الوجه عنك من تلاكيني



ماريدك بعد لو انت روحي اتصير
و ماريدك لو من الموت تحييني



ملح بعيوني احط ونسه حتى النوم
اخاف بالمنام طيوفك تجييني



اذا شافتك عيني وفرحت بملكاك
والله اتبره منهه وهاي موعيني



واذا صافحك جفي بحجة الخملان
اكص اثنين اديه يساري ويميني



واذا كالولي حبك يسري بالشريان
ثق بالله اكطع كل شراييني



واذا صاير شمس انه ابقه دوم بليل
وماريد الضوه وبلظلمه خليني



تذكرمن لكيتك والعطش واليك
وكلتلي امعود اترجاك روييني



عصرت أجفون عيني و ونزليت دموع
وشربتك بديه وانت تدرييني



ومن مرني العطش صرت انت جربة ماي
كصدتك معتني ومديت جفيني



وانته بكل وكاحه وكل صلافة عين
درت بجفوفي سم وردت تنهيني



تذب نفطك عليه وانه بيه النار
وتتحمه اعله ناري وماتطفيني



وصرت محبس بديك وكمت بيه تسوم
ساعة تبيع بيه وساعه تشريني

بارك الله بك



موفق عزيزي ابو كرار


[ندعوك للتسجيل في المنتدى أو التعريف بنفسك لمعاينة هذه الصورة]