قصيده بحق امير المومنين (ع)للشاعر نائل المظفر

اسلوني قبل ان ....
يابلحسن مولاي عندي بعض الاسئله
الواحد بواحد اذا تضربه شيصير غير واحد اشو غلط بل مسئله
انته كل واحد تضربه بذو الفقار ينقسم نصين يطلع حاصله
وينطرح بس ينظرب ما ينجمع شلون واحد والجمع ما يقبله
سيفك القانون بس محد رضاه لان اول سيف ينصف قاتله
وراسك القران بس محد قراه ونفتح بسيف مو بل بسمله
يافقر ومنزلك مثلك فقير وما كو واحد اعله منك منزله
الثقل بس ضربتك كلهن سراب والذهب بس مذهبك كلهن طله
الله ما حطلك ملك للسيئات ملكينك حسنات مسجله
على اجتافك ينعز ويغفه الملاك وانته ساجد للصبح بل نافله
ما تنام مخدتك تسئل عليك وتصبح من شوك سجادت صله
المشكله بلاحل تجيهم وانته لا الحل يجيك وما كو عندك مشكله
انته ما ناطق حرف عن الهواء يعني لازم حجيك احنه انرتله
والله لو ميت وحي بذاك الزمان وينقص القران انته تكمله
ناقشوني عله البجي وماي السبيل وعتذر مولاي كالو مهزله
راح اضم وجهي وعليك ابجي بئناءحته اراويهم دمعتي مسبله
تعني قلة مرجله دموع الرجالبس عليكم تعني قمة مرجله
انته من النور اصلك والله نور يعني انته والله تربطكم صله
ويا امير الماينصبونك امير صدقو بهذه الامر مو مخطين
لان كالولك عليهم ما تصير وانته يامولاي امير المومنين
نصبو غير ولاكن ما حجيت لان ما محتاجه ونقسم يمين
لو كنت محتاجه ترد الزمان وبحياته ينصبك طاه الامين
وانته رجعت الشمس ام الحساب يعني تكدر ياعلي ترجع السنين
مو امير شلون جا ياهو الامير مالك مولاي بلوادم قرين
وكلمن يحطونه غيرك ما يصير انته اصلح اله ينحط الحسين
وصه بثقلين بعده الرسول يعني قرانه وعترته الطاهرين
العتره نسلك ياعلي وانته الكتاب يعني بس وحدك تعادل ثقلين
شنهي حجتهم علي وما نصبوك جنت جاهل لا يحيدر كذبين
انته مو جاهل جنت عمرك صغير وجانو همه كبار لاكن جاهلين
وانته باب لكل مدن علم الرسول وهم صار من خلالك عالمين
وطاله ما باب العلم انته وكصير يعني جانو من يجوك مدنكين
يا امام انته والي ابداء الكتاب الماقرو انك والي شربو حميم
انته باء البسمله ولو ما قروك تصير سم لاله الرحمن الرحيم
الدين ما يقبل غلط والشك حرام الدين حجي الله رب العالمين
شلون اشك بعصمتك وانته الرسول وصله بهل قران ناطق يعني دين
يعني حبل الله ويكول اعتصمو بيه شلون مو معصوم يعصم معصمين
لا يسيف الله غيرك ما كو سيف حته موتك هم ثبت للعالمين
بل صلاه ضربوك بس ساجد بقيت وجان راسك منشطر نصف انشطار
ومثل سيفك سيدي شويه انحنيت وماتميز ياهو بيكم ذو الفقار

احسنتم غريب
ربي يعزك

بولاية امير المؤمنين

علي عليه السلام

وفقك الله

» قصيده الى علي امير المومنين عليه السلام
» لا تحرك خيم للشاعر :ايهاب المالكي
» ابوذيات للشاعر ايهاب المالكي
» مدرسة الستر (فاطمة الزهراء)...للشاعر المبدع علي الملا الخزاعي
» قصيده تبكي الصخر