الى كل من لا يذب عن الامام الحسين

صدك ياتل....
صدك ياتل .يمك صرخت الحره
صدك ياتل ويمك نادت ابن امهه ...العقيله ام كلب الموجل
بجت يمك ولا حنيت وترابك تروه ومن دمعهه ابتل
ولا هزك نده العطشان ...وتعرفه ابن النبي المرسل
اكول اشلون ما تنهض تذب دونه
وعليه الجيش حاطة اتلملم اتجعفل
شجاك اشبيك وترابك عجب ما صار بركان وحمم تنصل
يكسر انفاس كل واحد لبن حيدر علي يجهل
تراني بكلبي ملتم غيض حكي امنجهش وازعل
ويمك طاح ابو اليمه جلدكلبك صلف والهاي يتحمل
وشفت هذا المصاب الصار ونته بسكتتك بس ضال تتامل
وشهدت الحادثه كلهه.زينب .والحرم .وطفال والعدوان شعلو للخيم مشعل
والاعظم بعد وكثر .ولك يمك بجت زينب ودمعهه بحضرتك وشل
ولا تهتز ولك ياتل ولا تنهض ولك ياتل
انعرف طبعك بعد شيفيد تتوسل .بسك ياتل التربان
هم عندك حجي وتحجيه وخم منك عذر يقبل
وبعيونك تشوف الصار .. يما عندك حيه وتخجل
لجن الخوف طبعك يا عديم الذات
لجن هالخوف بيكم من عهد موسى..ولهذه السبب ياتل
كلبك رعرعاه الخوف وعلى الذله اصبحت تقبل
بكبر كبرك لحملك غيض وخليك امن العتب تنذل
وعددلك وكلك روح . ما طول النفس بيه .حسبتي اوياك ما تنفل

احسنتم غريب


سلمت اناملك


وعظم الله لك الاجر